HATAW! D'yaryo ng Bayan hatawtabloid.com
NAG-POST kamakailan si Vina Morales sa kanyang Instagram account na humihingi siya ng tulong sa ex-boyfriend niyang si Robin Padilla dahil may gulo sila ng ama ng anak niyang si Ceana na si Cedric Lee.
Tinanong namin si Vina sa pamamagitan ng text message kung ano ang isinagot sa kanya ni Robin sa post niya, “Bin (Robin), oh, Away ako!!! Sabi mo ‘pag away ako, sumbong ako sayo Utol Kong Hoodlum.”
Natawa kami sa sagot ng singer/actress, “patawa lang ‘yun, ha, ha, ha. Dahil sa ‘Utol Kong Hoodlum’ movie. ‘Yung mga comments nga natatawa sila, cute. Siyempre dami nanood ng ‘Utol Kong Hoodlum’.”
Si Robin kasi ang leading man ni Vina sa nasabing pelikula na ipinrodyus ng Viva Films noong 1992.
Sa ginanap na Born For You advance screening sa Trinoma Cinema 7 ay sadyang inabangan namin si Vina para hingan ng reaksiyon sa sinabi ni Cedric na idedemanda siya ng six libel cases.
Sa pahayag ni Cedric sa Philippine Entertainment Portal or PEP ay idadaan daw niya lahat sa legalidad ang gusot nila ni Vina at mariing itinanggi nito na binu-bully niya ang ina ng kanyang anak.
Nagmamadali ang buong cast kaya hindi namin nakausap si Vina at nagpadala na lang siya ng mensahe sa amin.
“This is not about me and Cedric, this is about my daughter’s welfare. Hindi naman ako lumalaban kung wala akong tamang inilalaban.
“Galing sa court mismo na wala silang 10-days court approved na until now ay kini-claim nila (Cedric) na mayroong ibinigay ang court. Hindi naman magsisinungaling ang court at si Judge Sulit.
“Mag- 30 years na ako sa showbiz, wala naman kayong nariririnig sa akin na may inisahan ako at nang-api ako ng tao.
“Sa narating ko ngayon, hindi ko kailangang gumawa ng kuwento para pag-usapan at katulad ng sabi ko sa korte na mismo nagsabi na walang 10 days kaya nga naibalik ang anak ko dahil sa court.
“He (Cedric) was cited in contempt by the court, ang nilalaban ko rito ay para sa anak ko. I’m a single mom and a working mom, sinusuportahan ko 100 percent ang anak ko financially and emotionally, lahat ng ginagawa ko ay para sa anak ko.”
Samantala, nakatakda ngayong linggo ang pagpa-file ni Cedric ng kaso laban kay Vina.
FACT SHEET – Reggee Bonoan
