6 totoy ginahasa, bading kalaboso

REHAS na bakal ang kinasadlakan ng isang 36-anyos bading makaraan ireklamo ng mga magulang ng anim menor de edad na ginawan niya ng kahalayan sa Malabon City kahapon ng umaga.

Kinilala ni San Agustin Brgy. Chairman Nathaniel “Tac” Padilla ang suspek na si Leif Garry Malasa, insurance agent, at residente sa Magsaysay St., Brgy. San Agustin.

Ayon kay Barangay Executive Officer Chime Padilla, nag-ugat ang pagkakaaresto sa suspek makaraan ireklamo ng mga magulang ng anim na biktima na edad 9 hanggang 13, ng sexual abuse sa kanilang mga anak sa magkakahiwalay na insidente.

Tatlo sa mga biktima ay unang napaulat na inabuso ng suspek noong Mayo 24 habang ang tatlo ay magkakasunod na minolestiya ni Malasa noong Mayo 26, 27 at nitong Sabado.

Hindi nakapagsumbong sa kanilang mga magulang ang tatlong biktima makaraan bigyan sila ng suspek ng tig-P20 bago pinauwi ng kanilang bahay.

“Niyayakag ng suspek ang mga bata sa kanilang bahay, pagkatapos hihimuking maghubad at lalaruin ng suspek ang kanilang ari. ‘Yung isang bata, nagsabi na inuutusan siyang ipasok pa ‘yung ari niya sa puwet ng suspek,” pahayag ni Brgy. Chairman Padilla.

Sa pahayag ng isa pang biktima, pinipilit siya ng suspek na mag-oral sex ngunit hindi siya pumayag.

Dinala na ang suspek ng mga barangay official sa Malabon Police Women and Children’s Protection Desk (WCPD) para sa inbestigasyon habang dinala sa Pagamutang Bayan ng Malabon ang mga biktima para sa medical examination.

Natuklasan din ng mga awtoridad ang mga hubad na larawan ng mga lalaki na karamihan ay menor de edad sa cellphone ng suspek.