HATAW! D'yaryo ng Bayan hatawtabloid.com
RATED R
ni Rommel Gonzales
DAHIL Wonderful Nightmare ang titulo ng upcoming film nina Kim Molina at Jerald Napoles, natanong sila kung may isang partikular na panaginip, maganda man o masama, na tumatak sa kanilang isipan?
Lahad ni Kim, “Ako anything na nightmare po ‘no? Good or bad? Wala, bad na ‘yung naaalala ko tuloy,” at tumawa si Kim.
“Basta anything that connects with my family, especially with… nasa Saudi kasi sila eh, like my mom and my dad, nasa Saudi ngayon, eh.
“So, anything na masama na konektado sa kanila, ah hindi ko makakalimutan iyon. I would wake up crying all the time.”
Kakaiba naman ang kay Jerald.
“Mayroon akong panaginip na medyo recurring lagi, lagi ko siyang napapanaginipan, bago pa po ako mag-artista.
“Na naging co-host daw ako, mainstay ng ‘Eat Bulaga!’
“So kaya ko siya naaalala kasi napapanaginipan ko na siya hindi pa ako artista.
“Nawiwirduhan din ako, bakit ako magho-shost ng ‘Eat Bulaga?’
“Tapos ngayon naging artista ako tapos my first management was APT Entertainment, so kaya hindi ko makakalimutan ‘yun.”
Naging producer ng Eat Bulaga! ang APT Entertainment ng mga Tuviera.
“And my first variety show na nag-host ako, na mainstay, is also produced by APT Entertainment.”
Ito ay Sunday PinaSaya noong 2015.
Hindi man siya nakapag-host sa Eat Bulaga! ay naging guest naman siya roon ng ilang beses.
Pagpapakuwela pang hirit ni Jerald, “Kaso ano eh, masyado ng maraming guwapo roon. Kapag idinagdag pa ako, lalo na si Kuya Jose [Manalo].”
Mapapanood na sa mga sinehan sa February 25 ang Wonderful Nightmare mula sa Viva Films, sa direksiyon ni RC delos Reyes.
