Netizen nanawagan kay Coco, Mark bigyan ng trabaho

MA at PA
ni Rommel Placente

NAG-VIRAL ang crying video ni Mark Herras sa kanyang Instagram page.

May mga nagsasabing isa raw sa dahilan nito, ay ang umano’y pinagdaraanang problema nila ng kanyang asawa.

Ang hinala naman ng iba ay medyo hirap daw ngayon si Mark financially dahil sa kawalan ng regular na trabaho lalo pa’t may binabayaran pa silang bahay.

Inulan ng komento mula sa mga concerned netizen ang video na ito ni Mark:

Sabi ng isa, “Maiiyak ka talaga kapag wala kang pera.”

Ang reaksiyon naman ng isa pa, “Dapat ang mga artista may ibang source of income. Bukod sa pag-aartista para if walang project ‘di nganga.”

”Sana bigyan si Mark ng project sa Kapuso. May mga dance challenge naman sila ba’t ayaw isali si Mark hamak na mas magaling naman siya pagdating sa dance floor,” ayon naman sa isa pa.

Isa sa nakatawag-pansin ay ang komento ng isang netizen na panawagan kay Coco Martin na bigyan ng trabaho si Mark.

“Sana maipasok ni Coco si Mark sa ‘Batang Quiapo,’ anito.

Isa sa mga tinulungan ni Coco noon ay si Aljur Abrenica nang mawalan din ito ng work at ipinasok niya ito sa kanyang tv show.

Abangan na lang natin kung mababasa ni Coco ang panawagan na ito ng netizen at ipasok din kaya niya si Mark sa kanyang action-series?