“Hell University,” buwena-manong project ng magandang newbie na si Bree Barrameda

ALAM MO NA!
ni Nonie Nicasio

UNANG project ni Bree Barrameda ang “Hell University,” na mapapanood na sa Viva One app simula ngayong February 6.

Ang magandang newbie na ito ay talent ni Ms. Len Carrillo.

Nagkuwento si Bree sa nasabing project na mula sa pamamahala ni Direk Bobby Bonifacio Jr.

Panimula ni Bree, “My project is Hell University po, its a series Wattpad adaptation and ang character ko po rito is si Fritzy Saldivar. She’s a former Supreme Student Council Secretary. Very sassy and fierce, she always clashes with Zein because she feels like ninakaw ni Zein sa kanya ang Secretary position.

“Eventually, she’ll become Zein’s friend. They have this malditahan love-hate relationship.”

Dagdag pa niya, “Heart Ryan plays Zein Shion, she is the main character of Hell University, a curious student who enrolls in a university that killing is legal.

“Ang iba pa pong cast ay sina Zeke Polina as Ace Craige, Aubrey Caraan as Samantha, Lance Carr as Raze, Jemima Rivera as Nicky Colt, Jastine Lim as Vanessa, Keagan de Jesus as Nazzer, Jac Abellana as Jerome, Derick Ong as Dave, Gabbi Ejercito as Mia, Andre Yllana as Matt, Jao Canlas as Onel, and ako po as Fritzy.”

Paano niya ide-describe ang seryeng Hell University?

Esplika ni Bree, “Isa pong delikadong paaralan na ang pagpatay ay legal at mayroon pong dalawang gang dito na kinakatakutan ng mga students-ito po ang Black Blood Gang at Devil God Warrior.

“Sa school na ito ay maraming sekretong malalaman si Zein Shion at mga kaibigan niya. Isa po itong thriller and suspense series na kaabang-abang po talaga.”

Ipinahayag ng dalaga na mixed emotions ang kanyang naramdaman sa unang pagsabak sa harap ng kamera.

Aniya, “Yes po this is my first ever project, since its my first time, I had mixed emotions but mas nangibabaw po ang excitement since my first role is challenging. Because being a mean girl is outside my comfort zone, at the same time po ay pressured din because mataas ang expectations ng fans kay Fritzy and inaabangan din talaga…

“So I’m giving the best version out of me in characterizing Fritzy inside me, especially sa intense scenes na dapat po naming gawin.

“Kaya very thankful po ako sa manager ko at sa Viva, sa break na ibinigay po sa akin.”

Nabanggit din Bree ang payo ng kanyang manager.

“Ang payo po sa akin lagi ng manager ko ay palaging magpakumbaba and always look where you started, because failure will always be a part of the journey sa showbiz,” nakangiting sambit pa niya.