Aga kitang-kita pagka-proud kay Andres sa Bagets, The Musical

PUSH NA’YAN
ni Ambet Nabus

KAY gandang pagmasdan sa stage ng mag-amang Aga Muhlach at Andres Muhlach during the pilot staging ng Bagets, The Musical. 

After ng curtain call ay napaka-nostalgic ng eksena kay Aga na mayakap ang anak na nag-reprise ng kanyang movie role noong 1984. Kitang-kita ang pride kay Aga para kay Andres at iba pang gumanap sa 2026 stage version.

Isang hit stage play na nga ngayon ang 1984 classic movie ni direk Maryo J. delos Reyes, na naglunsad sa mga showbiz career nina Aga, Herbert Bautista, William Martinez, JC Bonnin, at Raymond Lauchengco.

After 42 years sa entablado na ito napapanood, with all the dancing and singing and acting ng mga bagong henerasyong mga artista ngayon led by Andres (reprising his dad Aga’s movie role), KD Estrada (Raymond’s), Ethan David as Arnel, Milo Cruz as Tonton, Noel Comia Jr. as Gilbert, and Sam Shoaf as Topee, plus their alternates at iba pang cast members na mga theater artist.

Napapanood ito sa Resorts World Theater. Pramis, hahanapan namin ng oras ang panonood dito.