Angelica papalakpakan sa Unmarry

I-FLEX
ni Jun Nardo

WALA namang violent reaction ang asawa ni Angelica Pangiban nang sabihin nito ang offer na gumawa siya ng movie.

Eh hindi niya puwedeng tanggihan ang offer ni Atty. Joji Alonso na pagbidahan ang filmfest movie na Unmarry kaya pinayagan siya ng asawa.

Pero nang umuwi si Angelica na may dalang cheke, sinabihan siya ng asawa na gumawa uli ng pelikula.

“Malaking factor na ‘yung si Zanjoe (Marudo) ang kapareha ko. Marami na kaming pinagsamahang projects.

“At iba na rin ang pananaw namin sa buhay. Dati kapag tapos na ang shooting o taping, lalabas pa kami, Iinom at inaabot ng halos umaga na.

“Ngayon, kapag tapos na ang work, nagmamadaling umuwi para makita ang anak. Matagal ko rin kasing hinintay ang ganitong buhay na may pamilya,” chika ni Angelica sa mediacon ng movie.

Kahit matagal nang nabakante sa paggawa ng pelikula, mahusay pa rin si Angelica lalo na sa mga matitinding drama ng Unmarry na sa trailer pa lang eh, papalakpakan mo siya. Kasama rin sa movie nina Angelica at Zanjoe sina Tom Rodriguez, Nico Antonio, ang child actor na si Zac Sibug at Eugene Domingo. Mula sa direksiyon ng award-winning director na si Jeffrey Jeturian, ang Unmarry ay mapapanood sa December 25.