HATAW! D'yaryo ng Bayan hatawtabloid.com
PORMAL na binuksan ng Association of Firearms and Ammunition Dealers of the Philippines, Inc. (AFAD) ang ika-31 Defense & Sporting Arms Show (DSAS) Part 2 nitong Martes, Nobyembre 18, sa SM Megamall Trade Hall sa Lungsod ng Mandaluyong. Ang pagtatanghal ay mula Nobyembre 18 hanggang 21, mula ika-10 ng umaga hanggang ika-9 ng gabi, bilang pagpapatuloy sa pinakamatagal at kinikilalang firearms showcase sa bansa.
Matapos ang matagumpay na DSAS na isinagawa noong Hulyo sa SMX Convention Center sa Pasay, ang pagdaraos ngayong sa SM Megamall Trade Hall—ay ang pagtitipon ng humigit-kumulang 40 kalahok na magpapakita ng pinakabagong inobasyon sa mga baril, mga pinahusay na modelo, mga makabagong aksesorya, at mga bagong gawang produktong lokal. Pinatitibay din nito ang adbokasiya ng AFAD para sa responsable at may sapat na kaalamang pagmamay-ari ng baril.
Kabilang sa mga exhibitors ngayong taon ang mga haligi ng industriya tulad ng Trust Trade, PB Dionisio & Co. Inc., Squires Bingham International Inc., Twin Pines, Inc. (Tactical Corner Inc.), Nashe Enterprises, Hahn Manila Enterprises, Shooters Guns and Ammo Corp., Metro Arms Corporation, R. Espineli Trading, Imperial Guns, Ammo & Accessories, Jethro International Inc.; Stronghand Incorporated, Final Option Trading Corporation, Force Site Inc, Lynx Firearms and Ammunition; Tactical Precision Trading, Armscor Shooting Center,
Topspot Guns and Ammo, Lordman Leathercraft Guns and Ammo, Defensive Armament Resource Corp. True Weight, Tactics SOG Industries Inc., Lock and Load Firearms and Sporting Goods Corp., Santiago Fiberforce, Jordan Leather & Gen. Mdse., Speededge, Magnus Sports Shop, Greyman Elite Inc., Frontier Guns & Ammo, Jordan Guns & Ammo Trading, Raj’s Military Supplies, Vulkan Armoury, True Weight and Secure Arms.
Binanggit ni AFAD spokesperson Aric Topacio na ang naturang pagtitipon ay idinisenyo upang pagbalansehin ang makabagong mga eksibit at ang patuloy na pagbibigay-diin sa kaligtasan, disiplina, at may-kamalayang pagmamay-ari.
“Hindi lamang nagsisilbing lugar ang DSAS upang maipamalas ang pinakabagong kagamitan—ito rin ay isang mahalagang plataporma para sa pagkatuto,” ani Topacio. “Layunin naming mapaigting ang kaalaman ng mga dumadalo, mapaunlad ang kanilang kakayahan, at higit na maunawaan ang mga tungkulin na kaakibat ng pagmamay-ari ng baril. Ang matatag na pangakong ito sa edukasyon ang tunay na nagtatangi sa aming programa.”
Sa kabuuan ng pagtatanghal, magsasagawa ang DSAS ng serye ng mga pormal na talakayan at demonstrasyon ukol sa tamang paghawak ng baril, wastong pagpapanatili, ligtas na pag-iimbak, at responsableng pagmamay-ari—upang matulungan ang mga kalahok na hindi lamang maging pamilyar sa pinakabagong produkto, kundi magkaroon din ng wastong kaisipan at mahahalagang pundasyon ng kaligtasan na inaasahan mula sa bawat may-ari ng baril.
Magsisilbi rin ang DSAS bilang isang one-stop-shop para sa mga aplikasyon ng License to Own and Possess Firearm (LTOPF) at Firearm Registration (FR), kung saan nakatalaga ang mga kinatawan ng law enforcement agencies para gabayan at tumulong sa mga dadalo sa buong proseso. (HNT)
