Viva naglaan ng P1-B para sa VMB content

I-FLEX
ni Jun Nardo

TUMATAGINTING na P1-B ang inilaan ng Viva Films para sa lahat ng contents na gagawin nito para sa taong 2026.

Inilahad ito ni Valerie  Salvador-del Rosario, President and Chief Operating Officer, Studio Viva. Inc. na pinamumunuan din ang project na Viva Movie Box na kabilang sa matagumpay na VMX at Viva One.

“With Viva Movie  Box, we are effectively translating our established expertise  in serialized drama into a new digital medium…

“This vertical format shows allows us to be highly relevant to the next generation of viewers, ensuring our stories are accessible and engaging wherever they are!” lahad ni Valerie sa launching ng Viva Movie Box.

Isa hanggang dalawang minuto mapapanood ang bawat episode sa seriealized content na tinatawag ngayon na micro drama.

Sa halagang P59.00 a week, mapapanood  ang initial line up ng local original titles gaya ng Akin Ka Lang, Elisa: Batang Kabit. She’s Not My Sister, Inagaw Na Anak, Love Forbids at iba pa.

Mayroon ding well loved Asian micro drama at marami pang originals featuring Viva stars.

Available for download sa Google at Apple amg VMB: Viva Movie Box.