Pangarap na maging next big star abot kamay sa SMSCPA

MALAKING tulong para sa nagnanais o may pangarap mag-artista ang paglikha ng Star Magic School for the Creative & Performing Arts (SMSCPA), dating Star Magic Workshop.

Ipinakilala noong Miyerkoles, Marso 26 sa isang media conference ang SMSCPA na nagtipon ang mga industry expert, media personalities, at aspiring artists na gustong simulan ang kanilang creative journey.

Kilala ang Star Magic bilang premier talent management at training hub sa bansa. Nag-evolve rin ito bilang isang mas malawak na institusyon na huhubog sa mga performers sa iba’t ibang larangan.

Expanded ang workshop curriculum na mula sa acting, singing, dancing, directing, at character building, kasama na ang master classes mula sa mga respetadong mentor sa industriya.

Dumalo sa event sina Direk Laurenti Dyogi, Head of ABS-CBN TV Production at Mr. Raymund Dizon, Business Unit Head ng Star Magic at ABS-CBN. Kasama rin ang iba pang mentors na sina Mr. HB Benitez III (Star Magic SCPA Kids Acting Coach), Teacher Alecx Lorica at Teacher Marcel David (Meisner Acting para sa teens at adults), Meann Espinosa(SCPA Theater Acting Coach), Direk Jon Moll (ABS-CBN TV Director) at Mr. Kirby Balagtas, Mr. Dale Recina, at Mr. Troi Bautista ng You Me Us MNL.

Present din ang voice mentors na sina Teacher Julie Anne Reyes, BGYO at BINI coaches Anna Graham at Jerwin Nicomedes, gayundin ang head choreographers ng BINI at BGYO na sina coach Mickey Perz, Reden Blanquera, Matthew Almodovar, Aennon Tabungar, at Josh Junio.

Nagbigay ng performances sina Talia Concio at BGYO na produkto ng Star Magic Workshops.

Nagbahagi rin ng kanilang experiences sina Kai Montinola at Jasmine Scales, dating Pinoy Big Brother housemates, kung paano binago ng Star Magic Workshops ang kanilang artistic development.

Sa tanong kung paano nananatiling relevant at impactful ang Star Magic talents, “That’s the advantage of having subject matter experts in the school, because they have different point of views na nai-instill sa ating mga star dreamer to keep them relevant,” ani Mr.Dizon.

Ibinahagi rin ni coach Mickey na, “In social media, a lot of people have talent, but talent will always bring you to a certain level. Now how do you nurture that? That’s when you put skill into.

“The way you will nurture your talent is to get the right equipment… so you can always move on to what is current. You have to understand if you want to evolve, you have to humble yourself enough na you have to work hard for what you want to get.”

Ayon naman kay Teacher HB, “Acting is more than just memorizing and reciting lines. Acting is about truth. It’s about exploring the complexities of the character and delving into the depths of the human experience and illuminating the truths that connect us all. That’s why we, at SMSCPA have expanded and have added more acting courses.”

Ibinahagi rin ni Coach Julie Anne na, “Rito rin nanggaling si Sofronio Vasquez, our champ for ‘The Voice Season 26 US,’ he was with us sa Star Magic workshops for five consecutive classes, from basic to master class.”

Sa mga graduate ng Star Magic Workshops, ibinahagi ni Coach HB kung sino-sino ang mga ito na ipinagmamalaki nila. “’Yung mga nanggaling sa workshop na talagang ipinagmalalaki namin, ‘yung talagang nag-excel sila sa napili nilang field… sa acting it would be the likes of Joshua Garcia, Arjo Atayde, Alora Sasam for comedy, Dimples Romana. Actually ang dami nilang nag-start sa workshop, foundation muna nila ‘yung training bago sila sumikat.”

Ipinakilala rin ng mga mentor ang iba’t ibang courses ng SMSCPA, kabilang ang Meisner Core Program para sa acting, Popshop Workshop para sa singing at dancing, at Voice Workshop para sa pagpapahusay ng vocal skills.

Magbubukas na ang onsite enrollment ngayong March 29-30, 2025, at magpapatuloy sa April 5-6, 2025, na may limited slots lamang.

Para sa mga gustong mag-register, bisitahin ang forms.abs-cbn.com/starmagicscpa

https://forms.abs-cbn.com/starmagicscpa.

Para sa karagdagang impormasyon, i-follow ang Star Magic SCPA sa kanilang official socia media accounts ng Star Magic: Facebook: https://www.facebook.com/share/18gs5jtmET at Instagram: https://www.instagram.com/starmagicscpa

Sa Star Magic SCPA, ang pangarap na maging next big star ay abot kamay na! (MValdez)