HATAW! D'yaryo ng Bayan hatawtabloid.com
NA-IMPOUND ang sasakyan na may mukha ng isang lady solon dahil walang Land Transportation Franchising and Regulatory Board (LTFRB) franchise, hindi tama ang kulay, at walang kaukulang permit.
Base sa Ordinance Violence Receipt (OVR) na inisyu ng Taguig City, ang sasakyan na may mukha ni Congresswoman Pammy Zamora ay ginagamit bilang for-hire service kahit walang tamang dokumento.
“Kung ordinaryong mamamayan ang lumabag, tiyak na may multa agad! Pero siya, isang mambabatas pa man din, e lumalabag mismo sa batas!” ani Mang Nestor, isang jeepney driver sa Taguig.
Lumabas ang impormasyon na maging ang pagpapatayo ng kanyang headquarters ay walang maipakitang building permit.
“Grabe! Tayo nga, kahit maliit na negosyo, daming permit na kailangang ayusin. Pero siya, porke’t may posisyon, parang may sariling batas? Hindi patas ‘yan!” himutok ni Aling Rosa, isang tindera sa palengke.
Wala pang pahayag ang tanggapan ni Zamora ukol sa na-impound na sasakyan.
