HATAW! D'yaryo ng Bayan hatawtabloid.com
Handa nang ipakita ng Pilipinas ang husay nito sa padel sa pagtatampok ng Padel Pilipinas ang Asia-Pacific Padel Tour (APPT) sa Play Padel, Mandaluyong mula February 21 hanggang 23.
Mahigit 100 teams mula sa 20 bansa ang lalahok sa makasaysayang kompetisyon, patunay na patuloy na lumalakas ang padel sa rehiyon ng Asia-Pacific.
Bagamat hindi siya nakadalo sa press conference nitong Huwebes, ipinahatid ni Senador Pia Cayetano, founder ng Padel Pilipinas at matagal nang tagasuporta ng sports, ang kanyang buong suporta sa APPT.
Ayon kay Atty. Jacquelin Gan, Executive Director ng Padel Pilipinas, malaki ang papel ng torneo sa pagpapalaganap ng padel sa bansa, lalo na sa inisyatiba ni Cayetano na ipakilala ito sa mas maraming Pilipino.
“Part of her [Cayetano] vision is three key goals, among many others. First, to implement the nationwide grassroots program, making padel more accessible to Filipinos. Over time, this includes efforts to develop public courts,” sabi ni Gan.
“We are also focused on developing our national team, and as the Federation expands the sport’s reach in the Philippines, we prioritize community building,” dagdag niya.
Nagpasalamat naman sina APPT Director David Maxwell at APPT CEO/ Co-founder Carlos Carillo sa suporta ng mga lokal na partner na naging susi para madala ang torneo sa Pilipinas.
“We have a great representation from the Filipino Padel community so (we are) hugely grateful for the support of this club and the community,” sabi ni Maxwell.
Samantala, puspusan na ang training ng Philippine team simula pa noong Enero, ayon kay head coach Bryan Casao.
“Everyone is in shape, everyone is ready, everybody is excited to play — even me coaching them on the sideline,” sabi ni Casao.
Dagdag pa niya, ang matagumpay na pagho-host ng pitong national padel tournaments sa mga nagdaang taon ay patunay na kaya ng Pilipinas mag-organisa ng mas malalaking international competitions.
Sa pagpasok ng APPT sa rehiyon, tiyak na magpapainit ito ng excitement sa mga Pinoy padel fans, dahil mapapanood na nila ang kanilang mga paboritong manlalaro na sumasabak sa padel action.
