HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
HINATULANG makulong ng anim hanggang sampung taon si dating Quezon City Mayor Herbert Bautista at ang dating city administrator na si Aldrin Cuña.
Ito’y matapos mapatunayang nagkasala sina Bautista at Cuba ng “graft” kaugnay ng isang proyekto noong 2019.
Ayon sa desisyon ng Sandiganbayan, ang dalawa ay napatunayang nagkasala dahil sa anomalya sa procurement ng Online Occupational Permitting Tracking System (OOPTS) na nagkakahalaga ng P32-M.
Bukod sa parusang pagkakakulong, hindi na rin sila pwedeng magkaroon ng posisyon sa gobyerno.
Walang multang iniutos ang Sandigan sa dalawa, dahil sangkot na pondo ng publiko na nagkakahalaga ng P32-M ay natanggap na ng pribadong kompanya na hindi naman kasama sa kaso.
