4-ANYOS NENE, AMA NATAGPUANG PATAY SA ISANG MAKATI CONDO  
Murder-suicide tinitingnang anggulo

NATAGPUANG wala nang buhay ang isang 22-anyos lalaki at kaniyang 4-anyos anak na babae sa Bgy. Pio Del Pilar, lungsod ng Makati, nitong Lunes, 13 Enero.

Ayon kay Makati CPS chief P/Col. Jean Dela Torre, nagpatulong ang mga magulang ng lalaki sa may-ari ng inuupahan niyang condo upang buksan ito.

Nang mabuksan ang unit, tumambad sa kanila ang mga labi ng mag-ama.

Hinihinalang pinatay ng lalaki ang kaniyang anak saka nagpatiwakal.

Ani P/Col. Dela Torre, tinitingnan ng pulisya na depresyon at selos ang dahilan ng insidente dahil hindi nagkaayos ang suspek at ang ina ng bata.