HATAW! D'yaryo ng Bayan hatawtabloid.com
HATAWAN
ni Ed de Leon
SALAMAT naman at natapos na ang hindi magandang tsismis tungkol kay Sunshine Cruz.
Actually noong nakaraang taon pa namin narinig ang tsimsis na ang sabi sa amin, “bantayan mo iyang mahal mong kaibigang si Sunshine Cruz, dahil ang balita may ka-affair daw iyan ngayon.” At ang sinabi sa aming ka-affair ni Sunshine ay isang negosyanteng hindi masyadong maganda ang image. Hindi kami kumibo dahil hindi naman kami naniwala.
Kilala namin si Sunshine at alam namin kung kailan iyan posibleng ma-in love. Hindi si Sunshine iyong makikipag-affair for convenience. Kung ganoon iyan eh ‘di sana noon pa sa dami ng nagtangkang ligawan siya na mayayaman at mga lehitimo pang negosyante, iyong kabilang sa old rich.
Eh kung iyong bata pa, may mga hitsura naman at walang asawa, hindi pinatos ni Sunshine, iyon pa bang may edad na at may asawa pa?
Pero tuloy pa rin sila ng tsismis, kaya raw maganda si Sunshine dahil talagang alaga ng DOM, bakit eh hindi ba talaga namang maganda si Sunshine kahit na noong bata pa iyan. Hanggang nang malaunan sumabog ang isang malaking tsismis tungkol sa DOM, at ang kasama ay iba hindi si Sunshine. Kaya nga pinagtawanan namin ang mga nagtsismis niyon, kasi sinabi na namin, kilala namin si Shine at hindi iyon papatol sa ganyan. Sige pa rin sila, kaya ngayon sila talaga ang mali.
