Miguel mala-Ken Doll sa Belle Dolls launch

RATED R
ni Rommel Gonzales

NAGMISTULANG Ken Doll si Miguel Tanfelix sa piling ng tatlong Barbie Dolls na sina Ysabel Ortgea, Sofia Pablo, at Shaira Diaz sa launch ng Belle Dolls ng Beautèderm ni Ms. Rhea Anicoche-Tan na mala-Barbie rin ang ganda at freshness.

At ang mga packaging ng products ng Belle Dolls, swak sa kulay ng mga suot nilang lima during the launch.

Ang mga ito ay ang Premium Glutathione & Premium Vitamin C (na kulay blue tulad ng suot ni Sofia); Caramel Macchiato (na kulay caramel tulad ng outfit ni Ysabel); Stem Cell Juice Drink (pink na tulad ng suot ni Shaira); Dark Chocolate (na kulay brown tulad ng suit ni Miguel) and Collagen Juice Drink (na napalamig sa matang kulay green na kakulay ng suot ni Ms. Rhea).

At hindi lamang basta launch ang naganap sa ballroom ng Novotel Hotel sa Cubao, nagkaroon din ng mini-concert na kumanta ang mga bagong celebrity endorser.

In attendance rin ang iba pang mga celebrity ambassadors ng Beautèderm tulad ni Sylvia Sanchez na pinakaunang endorser ng wellness and beauty product, ang guwapong San Juan 1st District Councilor na si Ervic Vijandre, Alma Concepcion, Jimwell Stevens, Rochelle Barrameda, Kakai Bautista, Kitkat, Ynez Veneracion, at ang boyfriend ni Shaira na si EA Guzman.