PlayTime binigyang papremyo mga nagwagi sa Binibining Pilipinas

NAGKALOOB ng papremyo ang PlayTime, lumalagong online gaming entertainment platform, sa mga kandidato ng Binibining Pilipinas na nanalo ng mga espesyal na parangal sa ika-60 edisyon ng patimpalakan ng Binibining Pilipinas.

Nagbigay ang PlayTime ng Php25,000 sa bawat parangal, na inihandog ng Media Coverage Lead ni Rico Navarro. Ang mga kandidata ay kinilala hindi lamang para sa lubos na pagpapakita ng kagandahan, poise, at halaga ng pagkakaibigan gayundin ng pamana ng kultura sa panahon ng kompetisyon:

 Ang mga nabigyan ng espesyal na premyo ay sina Binibining Pilipinas 2024 – International Myrna Esguerra – Best in Gown and Best in Swimsuit; Roselyn Evardo – Binibining Friendship; at ang Top 5 sa National Costume na sina Zianah Famy; Joyce Garduque; Myrea Cacam; Monica Acuno; Myrna Esguerra.

Para kay Binibining Pilipinas 2024 – International Myrna, ang pagkakamit ng titulo, ang mga espesyal na parangal, at ang kanyang paglalakbay ay hindi malilimutan kailanman. 

“Hindi na magiging pareho ang buhay ko pagkatapos ng Binibining Pilipinas, dahil sa mga bagay na natutunan ko sa aking paglalakbay. But it’s all positive, and I’m really grateful for everything that happened, and it’s something that I will own forever in my heart,” ani Myrna.

Tumanggap din si Binibining PlayTime Samantha Viktoria “Sam” Acosta ng kanyang premyo sa ibang event.

“Ang pagkamalikhain at pagnanasa na ipinakita ng mga kahanga-hangang kababaihan ay tunay na namumukod-tangi at karapat-dapat na kilalanin. Kami, sa PlayTime, ay ikinararangal na ibigay ang mga karapat-dapat na nanalo ng mga premyong cash bilang tanda ng aming pagpapahalaga,” sambit naman ni Jay Sabale, Senior Manager, PR. (MValdez)