HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
IBA talaga ang pakiramdam kapag may achievement ang anak. Kaya naman relate na relate ako sa pagiging masaya ng mag-asawang Senador Ramon Bong Revilla, Jr. at Congresswoman Lani Mercado-Revilla.
Ngiting-tagumpay ‘ika nga ang power couple sa pagpasa ng kanilang anak na si Loudette Bautista dahil isa na itong ganap na doktora. Pumasa si Loudette sa katatapos na 2024 Physician Licensure Examination o ang Board Exams para sa mga doktor.
Kaya naman super-proud at super-saya ang parents ni Dra. Loudette na kahit hatinggabi na lumabas ang resulta, agad itong ibinahagi ni Sen. Bong sa kanyang Facebook Live. Eh kahit naman siguro sino ganyan din ang gagawin. Kaya naman maraming mga kaibigan at taga-suporta nina Bong at Lani ang masaya rin sa tagumpay ng kanilang anak.
Nagtapos ng pre-med si Dra. Loudette sa Ateneo de Manila University at ng medisina sa University of the East Ramon Magsaysay Memorial Medical Center (UERMMMC).
Pinatunayan ni Dra Laoudette na kaya niyang abutin ang pangarap, hindi lang para sa sarili kundi para sa pamilya at sa mga taong kanyang paglilingkuran bilang doktor.
“Congratulations sa aming Dra. Loudette for passing the 2024 Physician Licensure Board Exams! Certified Doktora ka na, anak!
“You brought pride, joy, and honor to the whole family! Salamat sa pagtupad ng pangarap ni Daddy na magkaroon ng doktor sa pamilya. Thank you God talaga!” super proud na post ni Bong sa kanyang socmed.
Isang malaking karangalan at saya ang dulot ni Dra. Loudette sa pamilya Revilla, lalo na’t siya ang kauna-unahang doktor sa pamilya.
Kahanga-hanga ang mga anak nina Bong at Lani dahil last year, pumasa sa bar exams ang anak naman nilang si Atty. Inah Bautista-Del Rosario, kaya walang pagsidlan ng kasiyahan ang pamilya Revilla dahil hindi lang abogado kundi mayroon na rin silang doktor. Kompleto na ha!
Sa tagumpay nina Sen Bong at Cong Lani gayundin kay Dra. Loudette Bautista, pagbati namin sa inyo. Tiyak na maraming Pinoy ang matutulungan mo!
