Pinky pinatay na binuhay pa sa serye ng GMA

RATED R
ni Rommel Gonzales

PANSAMANTALANG nawala sa Abot Kamay Na Pangarap si Pinky Amador dahil sa isang prior commitment sa Singapore.

“I was in Singapore for seven weeks. Kaya talagang kailangan ‘mamatay’ talaga si Moira,” pagtukoy niya sa kanyang karakter sa toprating serye ng GMA.

Buti pinayagan siya ng GMA?

“Oo, kasi noong ipinaalam ko ‘yun last year pa, 2023, iyon ‘yung time na hanggang January 2024 pa lang kami. So ang paalam ko is May.

“Sabi ko, kahit ma-extend pa ‘yan ng February, or March, or April, pasok pa ako, eh na-extend hanggang June 30.

“So sabi ko, eto na, hanggang sa huli, tinatanong nila ako, ‘Tuloy ba ‘yan?’ Eh wala, naka-sign na ako ng kontrata.

“At saka alam naman natin, Singapore iyon.”

Isang play ang naging proyekto ni Pinky sa naturang bansa.

“‘Who’s Afraid of Virginia Woolf.’ I was the woman playing Martha. It’s about an older couple and a younger couple. Apat lang kami roon.

“It’s a movie with Elizabeth Taylor and Richard Burton, and recently, in the ‘West End,’ ginampanan ni Imelda Staunton, ‘yung nag-play ng the queen sa ‘The Crown.’”

So dahil talagang malakas si Moira at si Morgana, nagawan ng paraan na makabalik si Pinky sa serye.

“Yes po,” bulalas niya. “I’m very…ako super thankful ako roon, kasi tanggap ko na kung patayin nila ako, hindi na nila ako pabalikin.

“Tanggap ko ‘yun kasi pumirma ako ng kontrata, hindi ko naman alam na extended, and siyempre creative choice nila ‘yun.

“Pero for… the fact na ibinalik nila ako, hindi ‘yun nangyayari every day, so talagang sobrang, sobrang pasasalamat ko.

“Kasi hindi lang siya trabaho, ano siya eh, trabaho na you go to work with people that you really love working with, that you have respect for, co-actors that are intelligent, that are generous, and that get along,” lahad pa ni Pinky.