Ria nanganak na, Sylvia abot langit ang saya

SHOWBIZ KONEK
ni Maricris Valdez Nicasio

NANGANAK na si Ria Atayde sa panganay nila ng asawang si Zanjoe Marudonoong Lunes ng umaga. Isang healthy baby boy ang iniluwal ni Ria.

At siyempre ang unang-unang pinakamasaya sa paglabas ng pinaka-unang apo ay ang lola na si Sylvia Sanchez.

Ini-repost ni Sylvia ang Instagram Reel ni Zanjoe sa kanyang Facebook account kasama ang announcement na isa na siyang certified lola.

“Yahooooo!!! Lola na ako!

“(Praying hands emojis at red heart emoji) 09-23-2024.

“May Baby na tayo!” ani Sylvia sa kanyang FB status.

Bumuhos ang mga pagbati mula sa mga FB followers ni Sylvia gayundin mula sa mga kaibigan nila.