Thursday , April 3 2025
BINI Born To Win Docuseries

BINI nagpa-iyak sa Born To Win Docuseries

SHOWBIZ KONEK
ni Maricris Valdez Nicasio

MATINDING hirap pala ang pinagdaanan ng Nation’s Girl Group na BINI bago sumikat. Kaya dumating sa puntong halos hindi nakayanan ng ilan sa kanila ang kasikatang tinatamasa ngayon.

Mas naintindihan din namin kung bakit kung minsan gusto nila ng privacy. Sa totoo lang maraming tagpo sa docuseries ang nakakaiyak. Isa-isa kasing ikinuwento ng walo ang hirap na pinagdaanan nila kaya for sure sinuman ang makapanood ay maiiyak din.

Malaking tulong ang pagpapalabas ng docuseries ng BINI na mapapanood ng libre sa iWantTFC simula Setyembre 26 (Huwebes). Tampok sa docuseries ang pagbabalik-tanaw sa kanilang mga pinagdaanang sakripisyo bago matunton ang tinatamasang tagumpay bilang Nation’s Girl Group sa first chapter nitong Born to Win.

Ipinrodyus katuwang ang ABS-CBN News at Star Magic, iikot ang dokyuserye sa pagsibol ng BINI sa music scene na may hatid na exclusive footage sa kanilang kauna-unahang major concert na BINIverse.

Sa ika-una nitong chapter na Born to Win, mas makikilala ng mga manonood ang mga miyembro nitong sina Aiah, Colet, Maloi, Gwen, Stacey, Mikha, Jhoanna, at Sheena bago ang kanilang BINI days.

Ipakikita rin sa docuseries ang kanilang mga pinagdaanang hirap para maabot ang pinapangarap na makagawa ng sariling pangalan sa industriya bilang Nation’s Girl Group na nagbigay-buhay sa kanilang hits na Born to Win, Na Na Na, Lagi-Lagi,” Pantropiko, at iba pa.

Bago ang inaabangang premiere, sinorpresa muna nina Mikha, Colet, Maloi, at Jhoanna ang kanilang minamahal na BLOOMs sa naganap na advance screening nito sa Gateway Cineplex noong Lunes (Setyembre 23). Anila, labis ang kanilang pasasalamat sa ipinadamang pagmamahal at suporta ng mga ito.

Balikan ang kanilang pakikipagsapalaran bilang Nation’s Girl Group sa BINI Chapter 1: Born to Win, na mapapanood ng libre at on-demand sa iWantTFC.comat sa official app nito (available sa iOS at Android). Abangan din ang mga susunod nitong episode na malapit ding ipalabas sa iWantTFC.

Mag-register lang sa iWantTFC.com para makapanood ng libre saan man sa ‘Pinas. 

About Maricris Valdez Nicasio

Check Also

Yohan Castro Vehnee Saturno

Yohan Castro balik-showbiz, patuloy na lumalaban sa mga hamon ng buhay

ALAM MO NA!ni Nonie Nicasio AFTER two years ay itinuloy ni Yohan Castro ang kanyang …

Iñigo Pascual Allen Dizon

Iñigo Pascual bigay-todo sa pelikulang “Fatherland”

ALAM MO NA!ni Nonie Nicasio SA KABILA ng Hollywood stint ni Iñigo Pacual sa TV …

D Grind Outstanding Dance Group sa Best Magazine

D Grind Outstanding Dance Group sa Best Magazine

MATABILni John Fontanilla ITINANGHAL na Outstanding Dance Group of the Year sa Best Magazine 6th Faces …

Alden Richards

Alden walang balak sumabak sa politika

MATABILni John Fontanilla KALIWA’T kanan ang alok sa  Asia’s Multimedia Star at Kapuso prime actor …

Samahan ng Mga Makasalanan SM City Caloocan

Mga Makasalanan dinumog

RATED Rni Rommel Gonzales JAMPACKED ang Mall Atrium ng SM City Caloocan last Saturday (March …