Judy Ann nae-enjoy mag-relax, tumanggap ng kung anong kaya at gustong project

RATED R
ni Rommel Gonzales

ENJOY si Judy Ann Santos sa muli niyang pagsabak sa paggawa ng pelikula. Nagsu-shooting na siya para sa horror film na Espantaho na ang direktor niya ay si Chito Roño.

“Ini-enjoy ko ‘yung… siyempre nandoon ‘yung, paano ko ba… pinag-usapan namin siyempre ‘yung character, pinag-usapan namin ‘yung nuances.

“Kasi siyempre bilang artista gusto mo iba-iba rin naman ‘yung inihahatag mong proyekto sa mga viewer, hindi ba?

“And ako rin as an actor naroon din ako sa point na ‘pag tumatanggap ako ng project, na acting project, tinitimpla ko na rin.

“’O rito gumawa na ako ng ganyan, dapat sa susunod sobrang baligtad naman or medyo ibang-iba.

“Probabaly, na-earn ko na rin naman ‘yung moment na ‘yun na pumili ng projects.

“And at the same time ‘yung… hindi ka naman nagdi-diva pero andoon kasi ako sa point na, itong proyektong ‘to dapat medyo worth it ‘yung wala ako sa bahay madalas,” at natawa si Judy Ann.

“Kasi hangga’t maaari nga I want to be with my family.

“Kumbaga nararanasan ko na ‘yung blessing na iyon ni Lord na parang, ‘O sige anak, sa panahong ‘to medyo puwede ka nang mag-relax at tumanggap na ng kung ano ‘yung kaya at gusto mo, sa paraan na gusto mo at kung kailan mo gusto.’

“And I’m very fortunate na everytime a producer would ask for my services inilalatag ko talaga lahat umpisa pa lang.

“Kasi ayoko namang maging unfair.

“So first shooting day alam na ni direk Chito ‘yun, alam niya na ‘yung mga inilatag kong mga ganap, kung sakaling may ganap sa school at, ‘Kailangan ko pong magpalit ng ibang araw.’

“‘Yung mga ganoon, little details.

“Na para sa ibang tao siguro parang ang OA naman na kailangan pang ipaalam, pero siyempre ‘pag nagbigay ka na ng kalendaryo mo dapat naka-lock na ‘yun, eh.”

Kasama ni Juday sa Espantaho ang multi-awarded actress na si Lorna Tolentino at ang mga beteranang aktres na sina Chanda Romero at Janice de Belen.

Nasa cast din ng nabanggit na pelikula sina JC Santos, Donna Cariaga, Nico Antonio, Kian Co, Mon Confiado, Tommy Abuel, at Eugene Domingo.