Teejay nagpasabik sa pagsusuot ng thong 

HATAWAN
ni Ed de Leon

MARAMI rin ang pumansin kay Teejay Marquez dahil nang rumampa siya sa fashion week show ng isang undergarment manufacturer, ipinakita niya ang magandang hubog ng kanyang katawan, at nagsuot pa ng thongs.

Pero hindi tulad ng ginawa ni Wendell Ramos noong araw na nang magsuot ng thong ay sexy talaga. Si Teejay, ibinaba lang ang baywang ng pantalon para makitang thong  ang suot pero nakapantalon pa rin siya. Hindi gaanong seksi ang naging dating niya. Siguro sabi nga nila, hindi nag-all out si Teejay dahil may mga pelikula pa rin siyang medyo wholesome ang image.

At hindi naman pa-sexy. Isa pa kung masyado siyang magpapa-sexy baka siya naman ang pagbalakan ng mga nagse-sexual harassment, problema pa niya iyon.

Siguro nga, masasabi na lang niya na nagpa-sexy siya kahit na paano sa fashion show. Kung nakatawag iyon ng pansin at siguro maghihintay pa siya ng feedback kung ano ang ibubunga niyon sa kanyang career. Makatutulong ba sa kanyang career ang pagsusuot ng thongs at pagpapakita ng bahagi ng kanyang puwit? Nagawa na ni Wendell iyan eh at mas matindi pa noon.