Atasha pinagkaguluhan sa PBA, rumampang muse ng TNT

BINABATI rin namin sina Julie Anne San Jose at Atasha Muhlach dahil sa napaka-init na pagtanggap sa kanila ng PBA fans bilang mga muse noong mag-open ito ng ika-49 season.

Malakas ang hiyawan sa kanila ng fans lalo na kay Atasha na tila lalong gumanda ngayon. Siya ang muse ng koponang TNT. Matanda na talaga kami dahil naalala pa namin ang nanay niyang si Charlene Gonzales na madalas ding muse noong mas aktibo pa kami sa PBA.

Given na namang palakpakan ng todo ang GF ni Rayver Cruz na si Julie Anne dahil Bgy. Ginebra team ang kanyang nirampahan.

Ang iba pang mga muse ay sina Rere Madrid (Hotshots), Myrtelle Saroza (Converge), Charmaine Skye Chua (NorthPort), Inday Fatima (NLEX), Krishnah Gravidez (Blackwater), Sophia Bianca Santos (Rain or Shine), Annabellle Mcdonnel (Terrafirma), Jema Galanza (Phoenix), Jamie Lim (San Miguel), at  Aleah Finnegan (Meralco Bolts).