HATAW! D'yaryo ng Bayan hatawtabloid.com
HATAWAN
ni Ed de Leon
AYAW pa ring magpa-iwan sa iba ang Unang Hirit kaya nang hindi sila makapag-schedule ng guesting ni Carlos Yulo sa kanilang show naghanap naman sila ng look alike niya at iyon ang inilagay nila sa kanilang show, si Andrei Santos. Hindi naman talagang look alike iyon ni Carlos, kasing laki lang at medyo katipo kaya kung titingnan mo sa malayo ay look alike nga, pero sa malapitan ang layo naman ng mukha kay Caloy.
Pero at least may napag-usapan sila. May kamukha pala si Caloy at iyon nga ang kanilang nakasama. Hindi naman seryoso iyon kaya nga wala naman silang main host na pinaharap kundi si Anjo Pertierra.
Sa Paris ay nakita rin ang isa nilang anchor person, si Atom Araullo, kasama ang sinasabing syota niyong si Zen Hernandez ng ABS-CBN, pero bakasyon lang iyon kay Atom, hindi siya sumama sa coverage ng Olympics, kasama nila sa lakwatsa ang mga dating taga ABS-CBN na mga kaibigan nila. Iyan namang si Atom ay taga-ABS-CBN talaga at lumipat lang sa GMA noong mawalan ng prangkisa ang network. Siyempre ang paniwala niya ay magiging star presenter siya ng GMA dahil sa kanyang personalidad, eh kaso biglang sumulpot si Anjo Pertierra na pogi rin at dating athlete at mas mahusay makibagay sa masa at walang angal saan mang coverage ilagay. Kaya nga kahit na ang totoo ay weather presenter lamang sana si Anjo, ngayon tila nasapawan ni Anjo si Atom. Mas marami ng fans ni Anjo.
Kita naman ninyo maski na look alike lang ang ipa-interview sa kanya ok lang, hindi siya namimili ng assignment.
