HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ESPESYAL ang September 10, 2024 sa Metro Manila Development Authority (MMDA) at iAcademystudents dahil ito ang araw na magkakaroon ng mural paintings sa EDSA tampok ang mga classic film posters na naging official entry sa mga nakaraang Metro Manila Film Festival (MMFF).
Ang aktibidades na ito ay bilang simula at parte ng ika-50 taon ng MMFF 2024 sa December.
Noong Huwebes, August 15, isinagawa ang MOA signing ng iAcademy at MMDA para sa proyekto. Dumalo sa pirmahan si MMDA Chairman Romando Artes at ang iAcademy President/CDO na si Raquel Wong.
Ani Artes, mahigit 2,000 estudyante ng iAcademy ang makikilahok sa pagpinta ng mga classic movie poster ng mga nagdaang MMFF entries sa ilang bahagi ng EDSA.
Akmang-akma ito sa pagpo-promote ng MMFF 50th edition na may temang Sine-Sigla sa Singkwenta.
“We will make EDSA nostalgic through murals of hand-painted movie posters to celebrate the rich history of MMFF.
“Ang proyektong ito ay hindi lang pagpapaganda ng walls sa EDSA sa pamamagitan ng art works para sa advocacy ng MMDA na mapaganda ang City, at the same time ay para mai-promote ang 50th anniversary ng MMFF ngayong taon.
“Iyan ay sa pamamagitan ng pagpipinta sa wall ng EDSA ng mga lumang posters ng mga past classic movie na kasali sa MMFF na nakita sa mga sinehan noon,” sambit ni Chairman Artes.
“This program of MMDA really symbolizes our shed commitment and using creatively to enhance public spaces and the artworks of our students will showcase not only their skills to the Filipino life, community and the creativity that Filipino creatives really manifest.
“So we hope, and we’re excited to show that at least our personal, inspire and remind everyone that our creative collaborations in shaping urban environment. We’re very, very excited to MMDA for these trust to us,” sabj naman ni Ms Wong.
Idinagdag pa ni Artes na inimbita nila ang isang female celebrity para sa pagpipinta kasama ang mga iAcademy student sa September 10, 2024.
Nang itanong namin kung sino ang naturang female celebrity. Ayaw pang ibuking ni Chair Ates kaya tiyak na marami ang mag-aabang kung sino ang makikitang magpipinta ng mural sa EDSA.
Bago ito ay ibinandera ng MMDA at MMFF ang unang limang pelikula na pumasok sa Top 10 ng ika-50 taon ng taunang filmfest.
