Richard present sa birthday ni Barbie, ano na ang real score?

MA at PA
ni Rommel Placente

NANG ipagdiwang ni Barbie Imperial ang 26th birthday kamakailan, present ang rumored boyfriend niyang si Richard Guttierez, kasama ang inang si Annabelle Rama.

So kung ganyang sa party ni Barbie ay dumalo si tita Annabelle, ibig bang sabihin ay talagang may relasyon na sina Richard at Barbie? Hindi naman dadalo si tita Annabelle sa okasyon kung hindi pa girlfriend ng kanyang anak si Barbie, ‘di ba?

Nauna rito, nang mamatay ang hipag ni Richard na si Alexa ay nagpunta sa burol si Barbie at lagi rin silang spotted na magkasama.  

May something na nga kayang namumuo kina Barbie at Richard? 

Well, kung sila na nga, bagay silang dalawa, huh! Beautiful couple sila, dahil gwapo at mestizo si Richard, at maganda at mestiza naman si Barbie.