Niño nagbanta: inumpisahan nyo tatapusin ko

SHOWBIZ KONEK
ni Maricris Valdez Nicasio

HABANG abala kami sa kasasagot sa dami ng mga bumati sa aming kaarawan noong isang araw, marami rin ang nagtatanong o nakiki-marites kung sino si Sandro Muhlach at bakit pinag-uusapan ito sa social media.

Unang-unang,  si Sandro ang panganay na anak ni Nino Muhlach na Kapuso artist. Kung ilang beses na naming nakaharap ang batang ito na kasa-kasama ni Nino sa mga showbiz event at kita ang pagiging magalang at mabait.

Matunog ang pangalan ni Sandro kasunod ng mga naglabasang blind item tungkol sa isang baguhang aktor na hinaras at hinalay umano ng dalawang “powerful gay executives” na konektado sa isang TV network.

At dahil magagaling ang netizens, nahinuha agad nila na ang tinutukoy sa blind item ay ang batang aktor, si Sandro bagamat wala namang nagkokompirma na tama ang hula ng mga marites.

Nasundan pa ang pagiging uzizero ng mga netizen nang mag-post si Sandro sa kanyang Instagram ng sad face emoji kasama ang quote na, “God is never late. He sees the cries of the helpless and He will heal, provide, lead, and saved. Trust in Him.”

At dito na naikonek ng netizens ang kumakalat na blind item ukol sa newbie actor na umano’y pinagsamantalahan ng dalawang TV executive na nangyari raw sa hotel na may ginanap na showbiz event kamakailan.

At kahaponN, isang cryptic message naman ang ipinost ni Niño sa kanyang Facebook na may konek sa post ni Sandro.

“INUMPISAHAN NYO, TATAPUSIN KO!”