HATAW! D'yaryo ng Bayan hatawtabloid.com
HATAWAN
ni Ed de Leon
TINULDUKAN na ng basketball star na si Kobe Paras ang mga tsismis nang sabihin niyang ang totoo ay magkaibigan lang sila ni Kyline Alcantara. Hindi raw sila mag-syota kahit na nakikita silang HHWW sa kung saan-saan.
Kung sa bagay ganyan naman ang mga kabataan ngayon mayroon nga magkaibigan lang pero basta nagkita ay naghahalikan eh. Hindi na uso iyong panahon ni Maria Clara na mahawakan lang sa dulo ng daliri ay kailangang pakasalan na ang babae. Hindi na gaya noong araw na ipinagyayabang na basta nahawakan mo sa kamay. Ngayon nga kung saan-saan na hinahawakan ok lang eh. Sa Vivamax nga nagkakapatungan pa pero magkaibigan lang. Hindi ba mayroon pa nga nabuntis ng isang “kaibigan lang” tapos ay may anniversary pa ng kanilang friendship nga ba?
Hindi naman namin sinabing si Kyline iyon pero may isang female star nabuntis nagtago nanganak sa isang private hospital, at habang nanganganak ay binabantayan ng isang lalaki matapos na manganak pumirma ng waiver para makalabas agad ng ospital at uuwi ng bahay sakay ng kotse ng lalaki, friends lang kaya sila talaga? Huwag magkaila dahil iyong isa kong kaibigang doctor na naka-duty noon sa ER ang siyang nag-assist sa panganganak.
Pero mabuti naman si Kobe at tinuldukan na niya ang tsismis kasi alam naman ng lahat na single na single si Kyline matapos niyang makipag-break doon kay Mavy Legaspi, at sinasabi nga ng iba, hindi naman alangan dahil kung titingnan mo naman ay mas poging ‘di hamak si Kobe kaysa kay Mavy.
Pero baka nga si Kyline hindi pa naman ready para tumalon sa isang bagong relasyon.
