HATAW! D'yaryo ng Bayan hatawtabloid.com
SA KULUNGAN bumagsak ang dalawang drug suspects, kabilang ang isang babae matapos maaktohang nag-aabutan ng shabu sa Caloocan City, kamakalawa ng hapon.
Batay sa ulat, habang nagpapatrolya ang mga tauhan ng Cadena De Amor Police Sub-Station 11 sa Banana St., Brgy. 175, Camarin, nakita nila ang isang babae na may iniabot na plastic sachet sa kausap nitong lalaki dakong 5:00 pm kaya nilapitan nila ang dalawa.
Gayonman, nang mapansin ng mga suspek ang mga pulis ay tumakbo kaya hinabol ng nga arresting officer hanggang makorner at maaresto.
Nakumpiska sa mga suspek na sina alyas Inday at alyas Jose ang dalawang transparent plastic sachets na naglalaman ng 11.1 gramo ng hinihinalang shabu, may standard drug price (SDP) value na P75,480.
Mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)
