Kathryn makikipagsalpukan kina Vilma, Charlie, Julia, Marian, at Maricel

SHOWBIZ KONEK
ni Maricris Valdez Nicasio

MGA de-kalibreng pelikula at aktor ang maglalaban-laban sa ikapitong edisyon ng The EDDYS o Entertainment Editors’ Choice ng Society of Philippine Entertainment Editors (SPEEd) na gaganapin ang awards night sa July 7, sa Ceremonial Hall ng Marriott Grand Ballroom, Newport World Resorts sa Pasay City.

Mapapanood ang delayed telecast ng idaraos na Gabi ng Parangal sa ALLTV sa July 14, 10:00 p.m.

Ang mga nominado sa Best Film ay ang About Us But Not About Us (The IdeaFirst Company, Octoberian Films, Quantum Films); Firefly (GMA Pictures, GMA Public Affairs); GomBurZa (Jesuit Communications, MQuest Ventures, CMB Film Services); Iti Mapukpukaw (Project 8, GMA News and Public Affairs, Terminal Six Post), at Mallari  (Mentorque Productions, Clever Minds Inc.).

Nominado naman sa Best Director sina Derick Cabrido (Mallari); Pepe Diokno (GomBurZa); Zig Dulay(Firefly); Jun Robles Lana (About Us But Not About Us); at Carl Joseph Papa (Iti Mapukpukaw).

Pukpukan sa Best Actress ang mga nominadong sina Kathryn Bernardo (A Very Good Girl); Charlie Dizon (Third World Romance); Julia Montes (Five Breakups And A Romance); Marian Rivera(Rewind); Vilma Santos (When I Met You In Tokyo); at Maricel Soriano (In His Mother’s Eyes).

Bakbakan din sa Best Actor sina Elijah Canlas (Keys to the Heart); Dingdong Dantes (Rewind); Cedrick Juan (GomBurZa); Piolo Pascual (Mallari); Alden Richards (Five Breakups And A Romance);at Romnick Sarmenta (About Us But Not About Us).

Hindi rin magpapatalo ang mga nominado sa Best Supporting Actress sina Dolly de Leon (Keys to the Heart); Alessandra de Rossi (Firefly); Gloria Diaz (Mallari); Gladys Reyes (Apag); at Ruby Ruiz(Langitngit).

Para sa Best Supporting Actor, nominado sina Enchong Dee (GomBurZa); Keempee de Leon (Here Comes The Groom); Nanding Josef (Oras de Peligro); Roderick Paulate (In His Mother’s Eyes); at JC Santos (Mallari).

Ang 7th The EDDYS ay ididirehe ng award-winning actor at filmmaker na si Eric Quizon.

Ang Brightlight Productions ang line producer ng awards night sa pakikipagtulungan ng Newport World Resorts, ALLTV at Sound Check. Kasama pa rin ng SPEEd sa pagtatanghal ng The 7th EDDYSang Globe Telecom bilang major sponsor.

Katuwang din ng grupo ngayong taon  ang Beautéderm ni Rhea-Anicoche Tan, Unilab, Camille Villar, former Ilocos Sur Governor Chavit Singson, at ang Echo Jam.

Tulad sa mga nakaraang taon, magsisilbing highlight ng event ang pagbibigay-pugay sa bagong batch ng EDDYS Icons na itinuturing nang mga haligi ng movie industry na kinabibilangan nina Nova Villa, Leo Martinez, Lito Lapid, Eva Darren, at Gina Alajar.

Isang posthumous award din ang ibibigay sa yumaong comic strip creator, movie producer at direktor na si Carlo J. Caparas.

Para naman sa Isah V. Red Award (ang mga walang sawang tumutulong at nagbibigay inspirasyon sa mga kababayan nating nangangailangan), ipagkakaloob ito kina dating Ilocos Sur Governor Luis “Chavit” Singson at Quezon City Mayor Joy Belmonte.

Ang Joe Quirino Award ay ibibigay sa beteranang broadcast journalist na si Korina Sanchez, habang ang veteran entertainment columnist na si Ronald Constantino ang tatanggap ng Manny Pichel Award.

Ngayong taon, ang Rising Producer Circle Award ay ipagkakaloob sa Mentorque Productions, ang nag-produce ng mga pelikulang My Father Myself and Mallari. 

Bilang pagkilala sa mga naging bahagi ng muling pagbangon ng Philippine movie industry, may special award din na ipagkakaloob ang SPEEd, ang The EDDYS Box Office Heroes. Igagawad ang Box Office Hero award kina Dingdong Dantes, Marian Rivera, Alden Richards, Julia Montes, Kathryn Bernardo, at Piolo Pascual.

Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

Ginanap ang nominees of announcement kamakailan   sa 38th Valencia.

Narito ang kompletong listahan ng mga nominado para sa 7th The EDDYS.

BEST FILM

“About Us But Not About Us” (The IdeaFirst Company, Octoberian Films, Quantum Films)

“Firefly” (GMA Pictures, GMA Public Affairs)

“GomBurZa” (Jesuit Communications,MQuest Ventures, CMB Film Services)

“Iti Mapukpukaw” (Project 8, GMA News and Public Affairs, Terminal Six Post)

“Mallari” (Mentorque Productions, Clever Minds Inc.)

BEST DIRECTOR

Derick Cabrido (Mallari)

Pepe Diokno (GomBurZa)

Zig Dulay (Firefly)

Jun Robles Lana (About Us But Not About Us)

Carl Joseph Papa (Iti Mapukpukaw)

BEST ACTRESS

Kathryn Bernardo (A Very Good Girl)

Charlie Dizon (Third World Romance)

Julia Montes (Five Breakups And A Romance)

Marian Rivera (Rewind)

Vilma Santos (When I Met You In Tokyo)

Maricel Soriano (In His Mother’s Eyes)

BEST ACTOR

Elijah Canlas (Keys to the Heart)

Dingdong Dantes (Rewind)

Cedrick Juan (GomBurZa)

Piolo Pascual (Mallari)

Alden Richards (Five Breakups And A Romance)

Romnick Sarmenta (About Us But Not About Us)

BEST SUPPORTING ACTRESS

Dolly de Leon (Keys to the Heart)

Alessandra de Rossi (Firefly)

Gloria Diaz (Mallari)

Gladys Reyes (Apag)

Ruby Ruiz (Langitngit)

BEST SUPPORTING ACTOR

Enchong Dee (GomBurZa)

Keempee de Leon (Here Comes The Groom)

Nanding Josef (Oras de Peligro)

Roderick Paulate (In His Mother’s Eyes)

JC Santos (Mallari)

BEST SCREENPLAY

Angeli Atienza (Firefly)

Jun Robles Lana (About Us But Not About Us)

Carl Joseph E. Papa (Iti Mapukpukaw)

Enrico Santos (Mallari)

Rodolfo Vera, Pepe Diokno (GomBurZa)

BEST CINEMATOGRAPHY

Neil Daza (Firefly)

Kara Moreno (Kampon)

Juan Lorenzo “Pao” Orendain (Mallari)

Shayne Sarte (When I Met You In Tokyo)

Noel Teehankee (A Very Good Girl)

BEST PRODUCTION DESIGN

Ferdie Abuel (Five Breakups and A Romance)

Mariel Hizon (Mallari)

Ericson Navarro (GomBurZa)

Fedeyo Tagayon, Reynaldo Peru  (When I Met You In Tokyo)

Kenneth Kelvin Villanueva (Firefly)

BEST EDITING

Lawrence S. Ang  (About Us But Not About Us)

Benjamin Tolentino (A Very Good Girl)

Benjamin Tolentino (GomBurZa)

Benjamin Tolentino (Iti Mapukpukaw)

Noel Tonga, Nelson Villamor (Mallari)

BEST MUSICAL SCORE

Teresa Barrozo  (Becky & Badette)

Teresa Barrozo (GomBurZa)

Teresa Barrozo (Iti Mapukpukaw)

Von de Guzman (Mallari)

Vincent de Jesus (Third World Romance)

BEST SOUND

Lamberto Casas Jr., Alexis Tomboc (Iti Mapukpukaw)

Immanuel Verona, Nerikka Salim  (When I Met You In Tokyo)

Emilio Bien Sparks, Jannina Mikaella Minglanilla, Albert Michael Idioma (GomBurZa)

Emilio Bien Sparks (Rewind)

Immanuel Verona, Nerikka Salim (Mallari)

BEST VISUAL EFFECTS

Ryan Grimarez, Macky Rayanon, Tawong-Lipod Creative Studio (Shake, Rattle & Roll Extreme)

Gaspar Mangarin (Mallari)

John Kenneth Paclibar (Kampon)

Carlos Joseph E. Papa, Eru Petrasanta, Christela Marquez, Matthew Erickson Echague et al. (Iti Mapukpukaw)

Reality MM Studios Inc. (Firefly)

BEST ORIGINAL THEME SONG

“Finggah Lickin’” (Becky and Badette)l, Performed by Eugene Domingo, Music by Teresa BarrozoLyrics by Jun Robles Lana, Elmer Gatchalian and Erika Estacio

“Pag-ibig na Sumpa” (Mallari), Performed by Juan Karlos, Music and lyrics by Jose “Quest” Villanueva

“Patawad Inay” (In His Mother’s Eyes), Performed by LA Santos, Music and lyrics by Jonathan Manalo, Additional lyrics by LA Santos and FM Reyes

“Sa Duyan ng Bayan” (GomBurZa), Performed by Noel Cabangon, Ebe Dancel and Gloc-9, Music and lyrics by Krina Cayabyab and Gloc-9

“Sa Yakap Mo” (Family Of Two: A Mother and Son Story), Performed by Iyah Ladip-Guanzon and Ralph Padiernos, Music and lyrics by Paulo Zarate