HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“BAKA nagkasawaan na.” Ito ang sagot ni Manay Lolit Solis nang usisain namin ang estado ng relasyon ng kanyang alagang si Paolo Contis at Yen Santos.
“Pero pwede silang magkabalikan. Pero si Paolo, parang kapag nakipag-break na, parang ayaw na niya talaga,” sabi pa ng talent manager isang hapon nang makatsikahan namin.
Natanong din ang talent manager kung nabibigyan niya iyon ng payo. At isa nga sa nasabi niya ay kung saan masaya at kung saan maligaya ang puso niyon, ‘yun ang sundin nito.
At sa mga nakarelasyon ni Paolo, si Yen, ang masuwerte kay Paolo, anang manager. “Hindi magulo ‘yung ano niya (buhay). Hindi kagaya noon na parang ang gulo ng utak niya. Eh, dito parang at peace siya,” sabi pa.
May mga balitang hiwalay na ang dalawa bagama’t walang pagkompirma sa dalawa.
Kaya feelinf ni Manay Lolit kaya ayaw magsalita ni Paolo ay baka raw posible pang magkabalikan ang dalawa, “Kasi, ‘di ba, baka magsasalita siyang hiwalay na sila tapos makikita sila sweet na sweet. Kaya baka ayaw muna niyang kompirmahin kasi baka may pag-asa pa.”
