HATAW! D'yaryo ng Bayan hatawtabloid.com
HATAWAN
ni Ed de Leon
NAGULAT kami dahil 18 taon na palang artista si Kim Chiu. Kung iisipin mo, napakabagal pala ng usad ng kanyang career. Naging bida siya sa mga serye sa telebisyon pero sa pelikula wala pa siyang nagagawang siya ang bida at naging malaking hit sa takilya. Baka nga sa estado niya ngayon napakahirap pa siyang tawaging movie star. Kaya kita ninyo maski na sa kanilang network ay tinatawag lamang siyang “Chinita princess.”
Iyon nga siguro ang isang maling diskarte eh, ginawa siyang bida agad sa isang serye na tungkol sa mga Chinese, iyong Binondo Girl. Dahil doon halos na-type cast na siya sa mga ganoong roles. Eh paano kung hindi Chinese ang character, wala na si Kim.
Hindi rin napangalagaan nang husto ang kanyang image. Noong una, iniwan siya ng kanyang ka-love team at syotang si Gerald Anderson. Tapos iniwan na naman siya ng kanyang ka-love team at syotang si Xian Lim. Ano ba naman iyan lagi na lang siyang iniiwan ng mga nagiging syota niya, at iyan ay hindi maganda sa image niya.
After 18 years in the business, panahon na nga siguro para ipakete ng panibago si Kim dahil kung hindi kawawa naman iyong bata at baka masabing siya ang Nori Dalisay ng kanyang generation.
Kung nabubuhay pa ngayon si Ramon Teodoro ang original na Mama Monchang, ewan kung ano ang sasabihin niya.
