HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ISANG healthy baby girl ang iniluwal ng unica hija ni Gretchen Barretto na si Dominique Cojuangco.
Si Dominique mismo ang nagpabatid ng magandang balita sa pamamagitan ng kanyang Instagramaccount kasama ang isang picture ng kanyang new born baby na pinangalanan nila ng kanyang asawang si Michael Hearn ng Penelope Eloise.
Caption ni Dominique, “A week of bliss… Five two-hour lipid IV drips and two-hundred and forty-two Heparin injections, but I’ve enjoyed every minute of my pregnancy.
“Michael and I are delighted to welcome our little wiggler from inside my womb.
“Thank you, Lord!”
Sayang at wala na o hindi na aktibo sa socmed si Gretchen para malaman natin kung gaano siya kasaya sa pagdating ng kanilang unang apo.
Pero sa kabilang banda, for sure super saya ni Greta sa paglabas ng kanyang apo at nakatitiyak kami na ipagmamalaki at ipagsisigawan nito ang pagdating ng bagong miyembro sa kanilang pamilya.
Ang tanong, ano kaya ang ipatatawag ni Gretchen sa kanyang apo, Mami La, Mamita, grandma, lola?
Ikinasal noong March, 2023 sa San Agustin Church sa Manila sina Dominique at Michael at nagkaroon ng bonggang reception sa National Museum of Natural History.
