KC nagpasalamat, nangako aalagan si Sharon

HATAWAN
ni Ed de Leon

KAHIT na sinabi ni Sharon Cuneta nang diretsahan na hindi sila nagkakasundo ng kanyang panganay na si KC, nagpahayag naman ang huli ng kung gaano siya nagpapasalamat sa kanyang ina sa ginawang pagpapalaki sa kanya at sa mga nairegalo niyon sa kanya na hindi niya makalimutan.

Sinabi rin ni KC na kung dumating ang panahon na matanda na ang kanyang ina, siya pa rin ang mag-aalaga roon, kagaya ng ginawa niyang pag-aalaga sa kanyang lola.

Masasabing suwerte pa rin nga si Sharon at nagkaroon siya ng isang anak na kagaya ni KC. Mabait na bata naman talaga iyan eh.