HATAW! D'yaryo ng Bayan hatawtabloid.com
ni ALLAN SANCON
NAGING matagumpay ang kauna-unahang The Robinhood Padilla Cup: 1st Mistah Shootfest na ginanap sa Shooting Range ng Camp Emilio Aguinaldo, Quezon City na nagsimula noong May 2-May 5, 2024.
Layunin ng proyektong ito ni Sen. Robin Padilla na makiisa sa pagiging Responsible Gun Owner at umaasa siyang matulungan ng shootfest na baguhin ang pag-iisip ng mga sibilyan tungkol sa baril bilang kasangkapan ng karahasan at sa halip ay ituring ito bilang kasangkapan para sa pagdipensa sa sarili.
Inorganisa rin ni Sen. Robin ang programang ito para sa kanyang mga celebrity friend. Kabilang sa mga artistang lumahok sa apat na araw na pagdiriwang ay sina Jestoni Alarcon, Archie Alemania, Karla Estrada, Gene Padilla, Cesar Montano Mark Andaya, Jong Cuenco, Ice Martinez, Dennis Padilla, Sophia Asistio, Emilio Garcia, Sid Lucero, Ayisha Asistio, Bobot Mortiz, Rob Sy, Roi Vinzon, Leandro Baldemor, Eric Nicolas, Carmella Ford, Efren Reyes, Joaquin Domagoso, Jeffrey Santos,Nadia Montenegro at marami pang iba. Siyempre present din ang maybahay ni Robin na si Mariel Rodriguez-Padilla.
Kasama ni Robin ang PMA Banyuhay Class of 2002 sa pag-organisa ng shootfest na ito. Nakalikom ng P800,000 ang programang ito para sa scholarship ng rebel returnees.
Ikinuwento ni Mariel na isang Pasko ay niregaluhan siya ng kanyang asawa ng baril at tinuruan siya nitong humawak ng baril para maipagtanggol ang sarili laban sa masasamang loob.
