HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAIYAK at napababa ng closed van si Diwata nang iabot ng negosyante at social media personality na si Rosmar Tan ang regalo niyang bahay kay Diwata. Personal pa nagpunta sa paresan ni Diwata si Rosemar para iabot ang kanyang mga regalo.
Si Diwata ang sikat na sikat na may malaki at dinudumog na paresan sa may Pasay.
Kasabay nito, itinanggi ni Rosmar na ginagamit si Diwata kaya binigyan niya ito ng bahay at pera.
Aniya, totoo at sincere ang ginawa niyang pagtulong kay Diwata dahil naniniwala siyang nararapat lang na magkaroon ito ng maganda at masayang buhay.
Bukod sa bagong bahay at P1-M cash, may P5-million worth of products din ang ibinigay kay Diwata.
Binigyan din niya ang tinaguriang “Pares Queen” ng imported Saint Bernard puppy na nagkakahalaga ng P300,000 kasama ang lifetime supply ng dog food.
“Hindi po ako nag-iwan sa location ni Diwata ng kahit anong may tatak Rosmar kasi ‘di para gamitin ko siya sa brand ko.
“Busilak ang aking puso sa pagtulong at ‘di para gamitin siya. Bagkus, ibang mga brand ang ibinida ko na mga tumulong sa akin para mabigyan ng 1 year endorsements si Diwata para may monthly ba pumapasok sa kanyang pera.
“Dahil ‘di naman habambuhay malakas siya at ang paresan niya,” sabi pa ni Rosmar.
Naiyak sa sobrang kaligayahan si Diwata nang matanggap ang mga regalo ni Rosmar dahil aniya, matagal nang pangarap niya na magkaroon ng sariling bahay. Sagot sa dasal at dream come true ang natanggap niya mula kay Rosmar.
