Lalaki ‘bumulagta’ sa boga ng 2 suspek

BUMULAGTA ang duguang katawan ng 40-anyos lalaki nang pagbabarilin ng isa sa dalawang hindi kilalang suspek sa Malabon City, Linggo ng madaling araw.

Kaagad nalagutan ng hininga ang biktimang si Ruel Clapano, residente sa C. Perez St., Brgy. Tonsuya sanhi ng isang tama ng bala sa ulo habang mabilis na tumakas ang mga suspek patungong Sanciangco St., sa nasabing barangay.

Sa ulat nina P/MSgt. Ernie Baroy at P/MSgt. Diego Ngippol kay Malabon police chief P/Col. Jay Baybayan, dakong 12:30 am nang maganap ang insidente sa Pilapil St., Palmario 2, Brgy. Tonsuya.

Sa inisyal na imbestigasyon ng pulisya, lumabas ng bahay ang biktima at nagtungo sa nasabing lugar nang dumating ang dalawang lalaki na kapwa nakasuot ng-jacket at naka-facemask.

Isa sa mga suspek ang bumunot ng baril saka pinagbabaril ang biktima na nagresulta ng kanyang agarang kamatayan habang nakuha ng pulisya sa crime scene ang isang basyo ng bala ng kalibre. 45 baril.

Patuloy ang follow-up investigation ng pulisya para sa posibleng pagkakakilalan para sa agarang ikadarakip ng mga salarin habang inaalam pa ang motibo sa nasabing insidente. (ROMMEL SALES)