Pokwang pinagbawalang makipag-boyfriend ng anak na si Malia

MA at PA
ni Rommel Placente

IBINAHAGI ni Pokwang ang isang video sa kanyang Instagram Story na mapapanood ang nakatutuwang conversation nila ng 6-year-old na anak na si Malia.

Sa simulang bahagi ng IG reel ng komedyana ay binati muna siya ni Malia ng pagkalambing-lambing sabay sabing, “Mama, I love you.”

Na-touch naman siyempre si Pokwang at sinabihan din ang anak ng, “I love you, too.”

Pero sa sumunod na dialogue ni Malia ay talagang na-shock si Pokey. Sey kasi ng bagets, “And I don’t want you to get a boyfriend.”

Sinagot ni Pokwang ang anak ng, “Huh! Why?” Deadma lang ang bata kaya inulit ng TV host ang tanong, “Why? Why?”

Sagot ni Malia sa kanyang nanay, “Because I saw it from my iPad, mom.” 

Natatawang chika ni Pokey, “Ano raw. Chururut bumblebee ka?”

“No! You’re the one who’s being chururut bumblebee,” ang hirit ni Malia kay Pokey.

Mababasa naman sa inilagay na caption ng Kapuso comedienne sa kanyang IG post, “Ayaw n’ya ako mag-boyfriend!!! Kasi nga ‘yung ama kung siney siney na chaka ang ka-join hahahah.

“Don’t worry nak, ikaw at si ate lang ang priority ko. Pangako ‘yan,” sey pa niya.

Samantala, isa pang video ang ibinahagi ni Pokwang sa kanyang Instagram page na tinatalakay naman ang tungkol sa isyu ng child support.

Tinag pa niya ang kanyang ex-partner at tatay ni Malia na si Lee O’Brian.

“Hoy @leeobrian party party at golf-golf lang? Gurl pakisabi diyan sa ex ko na new problem mo baka gusto niya magbigay ng support! ‘Di ‘yung panay lang landian n’yo!”