Tell Me ni Joey Albert bubuhayin ni Martin, umpisa ng mas magarbong career

Jun Nardo March 18, 2024 Entertainment, Music & Radio

I-FLEX
ni Jun Nardo

BINALIKAN ni Martin Nievera ang ugnayan niya sa Vicor Music at Viva nang muli siyang pumirma ng kontrata sa nasabing labels.

Ang Vicor ang unang recording company na nagpasikat kay Martin noong nagsisimula pa lang siyang singer.

Ngayong taon, bubuhayin ni Martin ang kantang Tell Me na pinasikat ni Joey Albert. Bale tribute niya ito sa nakaraan at sa dekadang humubog ng kanyang career.

Ayon kay Boss Vic del Rosario ng Viva, maglalabas din ng album si Martin na laman ang kanyang greatest hits at sa vinyl records ito ilalabas. Isang major concert din ang gagawin niya this year.

Sabi ng isang Vicor executive, “‘Tell Me’ is just the beginning of what promises to be a prolific year for The Concert King. Fans can anticipate many more captivating release from Martin Nievera throughout 2024!”

Tagumpay man sa music at concerts si Martin, aminado siyang hindi daigdig ang pag-aartista, huh!