HATAW! D'yaryo ng Bayan hatawtabloid.com
COOL JOE!
ni Joe Barrameda
HINDI lang Box Office Queen matatawag si Marian Rivera. Maikokonsidera na siyang Advertiser Queen or Endorser Queen.
Nitong nagdaang taon ay katakot-takot ang iba’t ibang negosyo na kumuha kay Marian para iendoso ang mga produkto nila.
Naniniwala sila na malaki ang maitutulong ni Marian sa kanilang produkto kahit maghintay sila ng matagal sa desisyon nito.
Ang maganda kay Marian ay pinag-aaralan nito ang produkto na iniaalok sa kanya para i-promote. Gusto kasi niyang karapat-dapat ang ieendoso para hindi siya masira. Kaya buo ang tiwala ng IAM Worldwide na halos lahat na yata ng produkto nila ay si Marian ang endorser.
Ang latest ay ang Barley na malaki ang nagagawa sa kalusugan ng tao. ‘Yan din ang isa sa ipinaiinom sa akin noong dinapuan ako ng Cancer.
Bukod sa mga endorsement ay balik trabaho na si Marian. Abala siya sa upcoming teleserye. Mayroon din siyang upcoming movie pero ayaw niyang magbigay ng detalye muna. Siya lang ito at hindi kasama si Dingdong Dantes.
