HATAW! D'yaryo ng Bayan hatawtabloid.com
APAT na hinihinalang tulak ng ilegal na droga ang naaresto at nakuhaan ng P79,000 halaga ng droga matapos maaresto sa magkahiwalay na buy bust operation sa Navotas City.
Ayon kay Navotas City police chief P/Col. Mario Cortes, dakong 10:34 pm nang maaresto ng mga operatiba ng Station Drug Enforcement Unit (SDEU) sa buybust operation sa A. Dela Cruz St., Brgy. San Roque, ang dalawang durugista na sina alyas Bong at alyas Nonoy.
Nakompiska sa mga suspek ang nasa 5.24 gramo ng hinihinalang shabu na may katumbas na halagang P35,632 at buybust money.
Dakong 11:30 pm nang matimbog ng kabilang team ng SDEU sa buybust operation sa Langaray St., Brgy. NBBS Dagat-Dagatan, sina alyas Jimboy, 30 anyos, at alyas Ayie, 37, matapos bentahan ng P500 halaga ng droga ang isang pulis na nagpanggap na buyer.
Nakuha sa kanila ang hindi kukulangin sa 6.5 grams ng hinihinalang shabu na nagkakahalaga ng P44,200 at buybust money.
Ayon kay P/SSgt. Flosine-Mar Nebre, mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (ROMMEL SALES)
