Tom sa pagbabalik-showbiz: I feel buo na uli ako

MA at PA
ni Rommel Placente

MAHIGIT dalawang taon ding namalagi sa America si Tom Rodriquez, na dapat sana ay two weeks lang. Nagdesisyon siyang magtagal doon para totally ay makalimot at maka-recover sa nangyaring hiwalayan nila ni Carla Abellana.

Sabi ni Tom sa interview sa kanya ng 24 Oras, “Two weeks lang dapat ako nandoon. Nawili rin ako. Long story short, I really had to take time to really recover and now, I do feel na buo na ako ulit.”

Noong nasa America, natuto siyang magluto at maglaba ng kanyang mga damit.

“Nawili rin ako na when I started taking on responsibilities for myself, maintaining the household, learning to cook, learning to do laundry, ‘yung washing machine at saka dryer doon, mag-grocery, couponing, all that stuff. Na-enjoy ko,” kuwento ng aktor.

Sa pagbabalik-bansa ni Tom ay balik-showbiz na rin siya. Bukod sa mga gagawin niyang serye sa GMA 7, babalik din siya sa theater industry. Makakasama siya sa concert version ng Ibarra: The Musical, na mangyayari sa second quarter ng 2024.

“I’m glad na they offered me this role. I’ve been really yearning to be back into theater and napagbigyan uli,” ani Tom.

Samantala, balik-social media na rin ang aktor ngayon kasabay ng pag-aming naninibago siya sa pagpo-post ng mga kaganapan sa kanyang personal life at career, dahil matagal din niyang hindi ginamit ang kanyang social media accounts.

“Medyo hindi pa ako sanay mag-social media uli. So I’ve been trying to force myself to go back.

“I’m on TikTok din, I’m starting to push myself out of my comfort zone kasi nakaka-spoil pala ‘yung wala. It’s nice rin to reconnect with the people. Kaya I’m trying to push myself to go out of my ermitanyo mode,” aniya pa.