HATAW! D'yaryo ng Bayan hatawtabloid.com
MA at PA
ni Rommel Placente
SA eksklusibong panayam ng PEP.ph sa singer-actor na si JK Labajo, naikuwento niya ang ilan sa fan encounters na maituturing niyang espesyal at hindi niya makalilimutan.
Ayon sa kanya, ang pinakamasaya ay ‘yung minsang may out-of-the-country shows sila, pagtapos ay biglang may isang fan na nasa eroplano rin, tapos pupunta rin sa country na ‘yun para lang manood.
“Like ako, ‘What?’ May show kami sa U.S. [United States] tapos taga-‘Pinas siya pero pupunta siya sa U.S. para lang manood,” simulang kwento ni JK.
Patuloy niya, “Kahit ako nabibigla na tapos tatanungin ko siya, ‘Kakapanood mo lang sa akin doon sa Mandaluyong, bakit ka manonood sa U.S.?’ ‘Wala lang, para mapanood kita.’
“Di ba, kahit wala namang pinagkaiba?”
May isa rin daw siyang karanasan sa fan na masasabi niyang hinding-hindi niya makalilimutan. Ito ay nang mawalan siya ng underwear at makitang ibinebenta online.
“Parang one time, we had a show and then all of a sudden, nawala ‘yung underwear ko.
“Kasi nagbibihis kami. Usually, right after the show, nagbibihis kami.
“Kasi ako, sobrang pawisin akong tao, we change. And all of the sweaty clothes were put somewhere.
“So, one time, nawala myung underwear ko. Okay [sabi ko], ‘Ang weird, saan kaya napunta ‘yun?’
“Tapos we found out kasi ipinost sa Facebook na for sale.
“[Nakalagay pa] ‘Underwear ni JK.’ Tapos parang times five ‘yung presyo ng underwear.
“Tapos parang nakalagay pa ata sa description na ‘never been washed.’
“Actually, maraming stories. Sobrang dami. Crazy encounters,” aniya pa.
