Sofia nakahanap ng tunay na kaibigan kina Kathryn at Sarah

MA at PA
ni Rommel Placente

MAHIRAP talagang humanap ng tunay na mga kaibigan sa showbiz. Pero natutuwa si Sofia Andres, dahil nakakita siya ng tunay na mga kaibigan sa mundong kanyang ginagalawan, at ang mga ito ay sina Kathryn Bernardo at Sarah Lahbati.

Sabi ni Sofia sa interview sa kanya ng PEP.ph, “Minsan lang may loyal and so I really want to take care of the both of them.”

Aminado si Sofia na mapili siya pagdating sa pakikipagkaibigan, pero pakiramdam niya ay masuwerte siya na nag-click ang kanyang personalidad kina Kathryn at Sarah, kaya madali siyang nagkaroon ng tunay na koneksiyon sa mga ito.

“Hindi naman ganoon kahirap ‘pag picky din ako, maarte ako sa mga kaibigan. At saka, malalaman mo. I think, instincts mo.”

Sa tanong kung ano ang mga paborito nilang bonding activities kapag magkasama,   sagot ni Sofia, “Marami. Super adventurous kami, kaya nakakalimutan namin ang stress. ‘Yun ang importante.

“I think, for me, this year is gonna be lucky.”

Consistent sa kanyang pahayag, madalas na pumupunta ang tatlo sa mga beach, nag-a-outing at exclusive dinner gatherings sa kanilang spare moments.

 Samantala, may mga gagawing pelikula ngayong taon si Sofia, pero aniya, ayaw pa niyang magbigay ng detalye tungkol dito.

“I’m working on something new, and I think it’s gonna be different this year, which I’m super excited about. I think, for me, this year is gonna be lucky,” aniya pa.