HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SOBRA naming na-enjoy ang panonood ng 2024 Asia Tour Fan Meeting: SIKcret Time in Manila ng Korean Superstar na si Park Hyung Sik sa Araneta Coliseum noong Sabado, February 17 handog ng MQ Live at PublicityAsia.
Si Hyung sik ang bida sa K-drama na Doctor Slump na napapanood ngayon sa Netflix. Napapanood din siya sa The Heirs, High Society, Hwarang: The Poet Warrior Youth, Strong Girl Bong-soon at marami pang iba.
Marami palang fans si Park Hyung Sik dahil halos mapuno ang Araneta. Mga 70-80 percent ang sumugod sa Big Dome na mga Sikcret Agents (tawag sa fans niya) para lamang mapanood ang Korean actor.
Hindi naman nakapagtataka na hindi kagiliwan si Hyung Sik dahil talaga namang gwapo at mukhang mabait. Game na game pang matuto at magsalita ng Tagalog kaya talagang katutuwaan siya.
Sa isang bahagi ng kanyang show ay pinuri niya ang mga Pinoy. Kaya nga aliw at talagang na-enjoy niya ang pagmamahal sa kanya ng Sikcret Agents.
Bukod sa nagparinig ng kanyang mga awitin si Park Hyung Sik, aliw din ang mga game na ginawa niya at na-enjoy super ng aktor ang ginawang pagtatanong sa kanya ng fans.
Na-enjoy din ng marami ang mala-Pinoy Henyo na game, na hinulaan ng aktor ang Tagalog words na ibinigay sa kanya. Humanga pa nga kami dahil magaling din siya magbasa ng Tagalog ha.
Nagpakilig si Hyung Sik sa kanyang mga kinantang Off My Face, ang OST ng Strong Woman Do Bong Soon na Because of You, at iba pa. Dagdag pa ang pasayaw-sayaw ni Hyung Sik kaya naman lalong naging wild ang audience.
Second time na pala ni Hyung Sik sa Pilipinas at nangako itong muli babalik, at maraming projects pa ang gagawin niya para sa kanyang fans.
Tinapos ni Hyung Sik ang fan meeting sa pamamagitan ng isang mensahe. Aniya,“After four years, ngayon lang ako nakabalik. Thank you so much for all your passionate love.
“You know, I believe that you all have a great response when you see ‘Strong Woman Do Bong Soon.’ I can see that you really love that drama here in the Philippines, thank you so much.
“And also for my current show, ‘Doctor Slump,’ thank you so much for your love.
“Now I go back to Korea, I’ll come back with a lot more better project sana magiging excited kayo sa susunod. And siyempre, I want to make more opportunities in the future to meet all of you more. Thank you very much.”
Sinabi pa ng aktor na, “I’m not gonna forget all this energy that you gave me and remember that until my next proiect, I can do it better as well. Thank you!”
