HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ITINANGGI ni Carlo Aquino na engaged na sila ng girlfriend na si Charlie Dizon.
Aniya, walang katotohanan na nag-propose na siya sa aktres tulad ng mga kumakalat na balita dahil sa nakitaan lang na may suot-suot itong singsing.
“Hindi galing sa akin ‘yun. Hindi ko alam,” ang natatawang sagot ni Carlo nang usisain siya ng ilang members ng entertainment press na dumalo sa one year celebration ng Beautéderm Headquarter at Chinese New Year noong Sabado sa Angeles, Pampanga.
Iginiit naman ni Charlie at ipinakita na ang suot-suot niyang singsing that time ay sa kanya. “Singsing ko po ito.”
Nang kulitin si Carlo ukol sa kung kailan ang proposal at kasal, sinabi ng aktor na hindi pa niya masabi kung kailan. Basta ang tiyak, ipaaalam niya sa amin at hindi nila itatago.
Sinabi uli ni Carlo na masaya siya sa relasyon nila ni Charlie.
“Ayaw kong sabihing umaapaw eh, kasi palaging mayroon pang magpapasaya sa ’yo sa buhay na ito hangga’t hindi pa natatapos,” ani Carlo.
“Masaya kami ni Charlie. Nandoon ako. At saka hindi ako, ‘wag ka masyadong excited’ kasi hindi pa tapos ‘yung buhay mo. May biglang manggugulat sa ’yo riyan,” sabi pa.
Idinagdag pa ni Carlo na naiiba si Charlie bilang Girlfriend, “Palaban kasi, eh. Palaban sa tamang paraan. At saka ang gaan, ang sarap tumawa. Naririnig niyo naman kapag tumatawa. At saka kapag may problema, uupuan, pag-uusapan ng maayos.
“Nag-aaway din kami pero napag-uusapan ng maayos. ‘Yun naman ‘yung pinaka-importante, maglalakad kami, lalabas kami, pag-uusapan namin,” wika pa ng aktor.
