HATAW! D'yaryo ng Bayan hatawtabloid.com
SWAK sa loob ng rehas na bakal ang isang lalaki na wanted sa kasong frustrated homicide nang makorner ng pulisya sa isinagawang manhunt operation sa Valenzuela City, kamakalawa ng hapon.
Sa ulat ni Valenzuela City police chief P/Col. Salvador Destura, Jr., kay Northern Police District (NPD) Director P/BGen. Rizalito Gapas, nakatanggap ng impormasyon ang mga operatiba ng Warrant and Subpoena Section (WSS) na naispatan sa Brgy. Karuhatan ang presensiya ng akusadong si alyas Lando, kabilang sa mga most wanted person ng lungsod.
Alinsunod sa inilatag na agenda ng PNP Chief na “Aggressive and Honest Law Enforcement Operations,” agad inatasan ni WSS chief P/Major Jesus Mansibang ang kanyang mga tauhan na magsagawa ng manhunt operation na nagresulta sa pagkakaaresto sa akusado dakong 5:15 pm sa harap ng South Supermarket, Brgy. Karuhatan.
Ani Major Mansibang, inaresto ang akusado ng kanyang ng mga tauhan sa bisa ng warrant of arrest na inisyu ni Presiding Judge Lilia Mercedes Encarnacion Aquino-Gepty ng Regional Trial Court (RTC) Branch 75, Valenzuela City noong 25 Enero 2024, sa kasong Frustrated Homicide.
Pansamantalang ipiniit sa Custodial Facility Unit ng Valenzuela CPS habang hinihinaty ang pagpapalabas ng commitment order mula sa korte. (ROMMEL SALES)
