Mayor Albee itinanggi si Ivana Alawi

HATAWAN
ni Ed de Leon

ITO pa ang isang napakagulo, sinabi ni Mayor Albee Benitez na hindi totoo ang pasabog ng mga marites na may relasyon siya sa isang sexy star. Sinabi niya na ang relasyon niya sa mga sexy star ay propesyonal lamang dahil producer siya sa tv ng mga show.

Isa pa, sinabi niyang wala naman daw masasagasaan dahil matagal na silang hiwalay ng asawa niya. Pero biglang pumalag si misis at sinabing hindi totoo ang sinabi ni Mayor. Dahil hanggang sa ngayon ay nagsasama pa rin sila.

Hindi pa rin natatagalan may isang netizen na nag-post ng picture ni mayor, na bagama’t may suot na face mask ay ipinipilit nga nilang si Mayor Albee raw dahil nag-alis rin naman daw iyon ng face mask at nakita nila na si mayor nga. Ang picture ay kuha sa isang airport sa Japan na kasama raw ni mayor ang sexy starlet na si Ivana Alawi. Dalawang statement ni mayor ang natumbok. Una ang statemement niyang hiwalay na sila ng kanyang asawa, at ngayon ang sinasabi niyang wala siyang kaugnayan na sino mang sexy star. Lahat naman ng mga tao ay natural magde-deny, pero iyong kanyang denial ay wala nga yata sa panahon.

Ano nga ba ang totoo mayor? O baka naman wala talagang relasyon. Maaaring nag-usap lang sila tungkol sa lato lato tournament sa Japan. Kung sa bagay, hindi lang naman sa China, lunar New Year din naman sa Japan. “Maaaring namamasyal lang sila parang sa Luneta, kahit na walang pera.”

Dapat kasi mas maging munawain na tayo, Year of the Dragon na, ang dami ng nag-split at nagkahiwalay sa Year of the Rabbit. Ngayon kasisimula lang ng Year of the Dragon may buwena mano na. Naalala tuloy namin ang ka-date noon na nanood ng Enter the Dragon ni Bruce Lee, ayun hiwalay na rin sa asawa.