HATAW! D'yaryo ng Bayan hatawtabloid.com
MA at PA
ni Rommel Placente
INAMIN ni Maris Racal sa interbyu sa kanya ng ABS-CBN News na malaking pressure kapag tinatawag siyang The New RomCom Queen.
Nagpakatotoo ang dalaga sa pagsasabing parang hindi pa niya deserve ang tawaging bagong reyna ng romcom sa Philippine showbiz.
Ito’y sa gitna nga ng tinatamasang kasikatan ng tambalan nila ni Anthony Jennings sa hit ABS-CBNseries na Can’t Buy Me Love, na pinagbibidahan ng loveteam nina Donny Pangilinan at Belle Mariano.
Sey ni Maris, hindi naman siya nape-pressure sa loveteam nila ni Anthony, mas pressured siya sa titulong Rom-Com Queen ng bagong henerasyon.
“Ayun ‘yung nakaka-pressure! Kasi this country sobrang love nila ang rom-com parang hindi ko pa keri ‘yung crown!” katwiran ni Maris.
Inamin din niya na hindi niya ini-expect na magiging mainit ang pagtanggap ng manonood sa tambalan nila ni Anthony na ginagampanan nila ang mga karakter nina Irene Chiu at Snoop.
Ngayon nga ay tinatawag na sila ng kanilang fans na “SnoopRene” at talagang palaging trending ang mga nakakikilig at nakaka-good vibes nilang mga eksena sa serye.
“Actually until now hindi ako makapaniwala kasi it was all unplanned. Nagkaroon lang kami ng eksena na nakaapak ako ng poop and natuwa naman ako.
“Kasi hindi naman laging may makakatambal ka na magwo-work and ‘yung humor niyo and very happy ako sa support ng mga tao,” anang dalaga.
Kino-consider din ng dalaga ang karakter niya sa CBML na biggest role niya to date, “There are different categories kasi sa teleserye.
“The first I played sa ‘Pamilya Ko’ si Peachy Magbunga, and then ito naman, dumating si Irene. I think I can say na ito na ang biggest role ko sa teleserye.”
Tungkol naman sa kasikatan ng loveteam nila ni Anthony, wala naman siyang napi-feel na pressure. In fact, excited pa nga siya sa mga susunod na kaganapan sa SnoopRene.
“I don’t feel any pressure naman, hindi ako nape-pressure, naha-happy ako every time may scenes kami ni Anthony.
“Parang very challenging in a good way, na gandahan natin kaysa last. So, looking forward ako palagi,” aniya pa.
